Li Helebê têkildarî komploya 9‘ê Cotmehê civînek hate lidarxistin

Bi nêzîkbûna salvegera 21‘emîn a komploya 9‘ê Cotmehê ya li dijî Rêberê Gelê Kurd Abdullah Ocalan Meclisa Giştî ya Taxa Şêxmeqsûd û Eşrefiyê civîneke berfireh li beşê rojava yê taxa Şêxmeqsûdê li dar xist.

Bi dehan şêniyên bajarê Helebê, di nav de nûnerên partiyên siyasî, saziyên sivîl û rûspî di civînê de made bûn.

Civîn bi deqeyeke rêzgirtin dest pê kir. Piştre rêveberê TEV-DEM‘ê Sebrî Efrîn bi zimanê kurdî û rêvebera Kongreya Star Nehla Mustefa bi zimanê erebî axivîn.

Di axaftinan de bal hate kişandin ser komployê û armancên wê. Hate gotin ku gelek dewlet bi armanca şikandina tevgera azadiya Kurdistanê û şoreşên wê  komployek pêk anîn.

Kesên axivîne gotin, Ocalan tevî mercên girtinê komplo vala derxist û ji bo çareserkirina doza kurdî bi rêya aştî û diyalogan û peydakirina guhertineke stratejîk di têkoşîna azadiyê de têkdikoşe.

Her wiha bal hate kişandin ku dewleta Tirk û alîgirên wê bi hemû rêbazan hewl dide rêya têkoşînê bixetimîne ji ber ku armanca wê qirkirina gelê Kurd e û dagirkirina hemû herêman û guhertina demografiya wê ne.

Kesên axivîne banga mezinkirina têkoşînê û derketina li qadan ji bo şermezarkirina komployê kirin.

Di dawiya civînê de dirûşmên banga azadiya Ocalan hatin berzkirin.

ANHA