Duyemîn dewriyeya hevbeş li Girê Spî

Di çarçoveya peymana mekanîzmaya ewlehiyê li sînor de îro hêzên DYA û Tirkiyê dewriyeya hevbeş li rojhilatê Girê Spî gerand.

24 îlon, 2019 10:47

GIRÊ SPÎ

Ji bo pêkanîna pêvajoyên peymana têkildarî mekanîzmaya ewlehiyê ku mîsogeriya ewlehiya sînorê Bakurê Sûriyê bi Tirkiyê re bike, îro duyemîn dewriyeya hevbeş di navbera hêzên DYA û Tirkiyê de li rojhilatê bajarê Girê Spî derket.

Dewriyeya hevbeş 5 km li hundirê xaka Sûriyê li rojhilatê bajarê Girê Spî geriya, ji gundê Mişrifê El-Ezo yê 15 km li rojhilatê Girê Spî ye.

Dewriye ji 3 erebeyên hêzên DYA’yê û 4 erebeyên artêşa Tirkiyê pêk hat, derbasî xaka Sûriyê bûn û 2 seatan man, paşê vegeriyan xaka Tirkiyê.

Derketina dewriyeyan, ji bo pêkanîna pêvajoyên peymana mekanîzmaya ewlehiyê ya di navbera QSD û Tirkiyê de bi navbeynkariya DYA’yê pêk hat.

Li gorî peymanê, QSD tevî çekên xwe bi firehiya 5 heta 14 km ji nuqteyên xwe yên sînor ên di navbera bajarê Serêkaniyê û Girê Spî de vekişe û hemû mewziyên leşkerî hilweşînin û nuqteyan radestî meclisên leşkerî yên Girê Spî û Serêkaniyê bikin.

Dewriyeyên hevbeş li wan nuqteyên ku QSD jê vekişiya û radestî Meclisa Leşkerî ya Girê Spî kirine, digere.

(jo)

ANHA