Ji zarokên Efrînê re li Şehbayê dewreyên fêrkirina wênexêziyê hatin vekirin

Navenda Çand û Hunerê ya navçeya Til Qirah a kantona Şehbayê dewreyên wênexêziyê ji zarokan re vekirin. Da ku ji vekirina pêşangeha ku dê di çend hefteyên pêş de bê vekirin, amade bibin.

NÛÇE

5 îlon, 2019 07:43

ŞEHBA

Da ku behreyên zarokan û hunera wênexêziyê bên pêşxistinê, Navenda Çand û Hunerê ya navçeya Til Qirah a kantoan Şehbayê dewreyên perwerdê der barê derfetên huner û wênexêziyê ji zarokên Efrînê yên neçar mane koçber bibin re, vekirin.

Di nexşekirina li ser pankartên hunerî, zarok bîr, hezkirinên xwe ji bajarê Efrînê re û êşên ku di dema êrîşa Tirkiyê û çeteyên wê de dîtine, pêşkêş dikin.

Di dewreyê de 20 zaroke temenê 7 heta 12 salî hene. Zarok di hefteyê de 2 rojan fêrî wênexêziyê dibin.

Der barê girîngiya vekirina dewreyan de, mamsoteya wênexêziyê Xaliya Xelîl ji ajansa ANHA’yê re got armanca Navenda Çand û Hunerê, pêşxistina behreyên zarokan û dûrketina ji rewşên koçberiyê ye.

Xaliya bal kişand ser ku herî zêde zarok pankartên bi navê Efrîn dinivîsin û li rexê jî dîmenên şer ên di dema dagirkeriyê de.

Li gor Navenda Çand û Hunerê dê pêşangeh bi navê Navenda Çand û Hunerê di çend hefteyên pêş de bê vekirin da ku pankartên hunerî yên zarokan xêz kirine, pêşkêş bikin.

(fr)

ANHA