Li Minbicê xizmeta navendên tenduristiyê

Ji dema rizgarkirina bajarê Minbic û gundewarên wê, Komîteya Tendirustî ya bajarê Minbicê çend navendên tenduristiyê vekirin û xizmetên tendirustiyê pêşkêşî şêniyan dikin.

Komîteya Tendirustiyê di destpêkê de xebata sererastkirin û jinûverestorekirinê ji sala yekem a rizgarkirina bajarê Minbicê de, pêk anî. Li navendê odeyên emeliyet û mayînê tune ne. Lê weke nexweşxaneyên biçûk li gundan tên perjirandin. Navendên tendirustiyê xizmetên sivikirina azarên şêniyên gundan, dike. Her wiha jî nirxên tedawîkirin û çûna nexweşxaneyên taybet dabîn dike.

Li gor serjimariya 6  mehên  2019’an ku ji Komîteya Tendirustiyê ya bajarê Minbic û gundewarên wê hatine girtin, 134 hezar û 307 rewş hatine tedawîkirin. Ev tedawî bê pere hatine pêşkêş kirin.

Navendên Tendirustiyê yên ku li gundewarên bajêr û hundirê wê hatine vekirin, rewşên lezgîn, xizmetên bijîşkî yên pêwîst û piştgiriya destpêkê ya tendirustiyê, pêşkêş dikin. Ew jî bi rêya van beşan pêk tê; Jin, rêxistina malbatê, hundirîn, piştgiriya tendirustiyê, zarok, cerm û ambulansê. Li rexê jî pêşkêşkirina dermanan a bêpere.

Navendên Tendirustiyê yên aktîv 7 in û her wiha jî xebata amadekariya navendên dîtir jî tê kirin.

(fr/bm)

ANHA