Cangoriyên azadiyê li Tirbespiyê hatin bi bîranîn

Pêkhateyên navçeya Tirbespiyê di merasîma bîranîna 83 şehîdên navçeyê de soza şopandina rêya şehîdan dan.

NÛÇE

2 tîrmeh, 2019 18:35

QAMIŞLO

Şêniyên navçeya Tirbespiyê bi merasîmekê li Goristana Şehîd Dilşêr a li gundê Dugur 83 şehîdên têkoşîna azadiyê bi bîranîn

Merasîm bi deqeyek rêzgirtin û torenek leşkerî ji hêla YPG û YPJ`ê ve destpê kir. Piştre bi navên YPG`ê fermendarê Şêx Qamişlo, Meclisa Malbatên Şehîdan Karker Hisên û Partiya Yekitiya Demokratîk Diyar Tirbespiyê axaftin hatin kirin.

Di axaftinan de sersaxî ji malbaatên şehîdan re hate xwestin, her wiha hate gotin ku pêkhateyên Bakur û Rojhilatê Sûriyê bi hevgirtina xwe li dijî tevahiya êrîş û gefan bi serket û civakek serkeftî û azad afirand. Qisekaran gotin, dê li hemberî dijminên xaka bi xwîna şehîdan hatiya avdan xeta têkoşînê dewam bikin.

Axaftivanan destnîşan kirin ku Rêveberiya Xweser a Bakur û Rojhilatê Sûriyê berhema fedekariyên mezin e yên şehîdan e û divê hemû dewletên ku şerê terorê dikin desteka vê rêveberiyê bikin.

Di dawiya merasîmê de Meclisa Malbatên Şehîdan wesîqeyên şahedata şehîdan radestî malbatên wan kirin.

(şx)

ANHA