Li Hesekê şehîdên meha Hezîranê hatin bi bîranîn

Meclisa Malbatên Şehîdan a kantona Hesekê merasîma bîranîna şehîdên meha Hezîranê li Goristana Şehîd Dijwar a gundê Dawûdiyê bi tevlibûna bi sedan şêniyên bajarê Hesekê û malbatên wan organize kir.

Merasîm bi deqeyek rêzgirtin destpê kir. Piştre endamê Meclisa Malbatên şehîdan a kantona Hesekê Ibrahîm Hisên axivî û sersaxî ji malbatên şehîdan re xwest û got: "Îro em şehîdên meha Hezîranê yên ku bi fedekariyên xwe destanên lehengiyê xêz kirine û xaka xwe bi xwîna xwe ji çeteyan rizgar kirine bi bîr tînin. wan şehîdan ewlehî, aştî, biratî û hezkirin ji me re afirandin.

Her wiha bi navê hêzên leşkerî yên bajarê Hesekê fermendarê QSD`ê Ziyab Hesekê axivî û got: "Şehîdên me mişeleya azadî û rûmetê ne. Soz dan ku xak û gelê xwe rizgar bikin û soza xwe anîn cih. Em soz didin ku em ê têkoşînê mezin bikin heta tevahiya xaka dagirkirî rizgar bikin."

Ji aliyê xwe ve hevserokê Meclisa Kantona Hesekê Ebdulxenî Oso got: "Îro em şehîdên azadiyê bi bîr tînin û sersaxiyên ji malbatên wan re dixwazin. Em soz didin wan ku destkeftiyên bi dest xistine biparêzin û hewql bidin civakek azad û rumet ava bikin."

Di dawiya merasîmê de wesîqeyên şehadeta 48 şehîdan ji hêla endama Meclisa Malbatên Şehîdan Rojda Ehmed ve hatin xwendin û girseya gel dirûşmeyên dilsoziya bi şehîdan re berz kirin.

(şx)

ANHA