Piştî vekirina nexweşxaneya Reqayê, yekemîn xebata şûştina gurçikan

Piştî sererastkirina Nexweşxaneya El-Wetenî ya bajarê Reqayê, Komîteya Tenduristiyê şaxa tedawîkirina gurçikan bi awayekî bêpere vekir ku azarên çûnûhatinê û lêçûnê li ser şêniyên sivik bike. Îro yekemîn emeliyeta şûştina gurçikan li naxweşxaneyê hat kirin û bi serkeftî derbas bû.

28 gulan, 2019 13:05

REQA-RUBA ELÎ

Tevî derfetên kêm li gel Komîteya Tenduristiyê û alavên kêm li beşan, îro yekemîn şûştina gurçikên welatiyeke koçber ji bajarê Helebê bi navê Sûda Hemwî (70) ku pê re nexweşiyên şekir û dil jî hene, pêk hat.

Di beşê de 4 alavên şûştina gurçikan hene. Her wiha tîma bijîşkan ku ji 2 bijîşkên pispor û 12 hemşîreyan da ku hemû tedawiyên pêwîst ji nexweşan re pêk bînin, hene.

Di vê çarçoveyê de gerînendeyê Nexweşxaneya El-Wetenî Dr.Kesar Elî wiha raber kir: "Em pêşwaziya hemû nexweşan li beşa gurçikan dikin û tedawiyê bê pere pêşkêş dikin."

Dr.Kesar Elî wiha domand: "Roj li pey rojê rewşên nexweşiyan zêde dibin û derfetên heyî kêm in. Ji lew re me bi beşên heyî li Tebqa û Girê Spî re koordîne kir ku hemû rewşan pêşwazî bikin û li 3 navendan xizmetguzariyê hatine belavkirin ku hemû temanan derman bikin.”

Li ser plan û projeyên pêşerojêDr. Kesar Elî anî ziman ku komîte li ser pêşdebirina beşê, zêdekirina alavan û dabînkirina derman û tedawîkirinê li bajarê Reqayê bêyî şandina nexweş ber bi Tebqa û Girê Spî ve dixebite.

Sûda Hemwî nexweşa yekemîn e ku jê re şûştina gurçikê hatiye çêkirin, li gel ajansa me ANHA’yê wiha azarên ku kişandine raber kir: "Ji jidayikbûna min ve li ser gurçikekê jiyan dikin û ji 5 salan de êşa kêmgurçikiyê dikişînim û her wiha jî nexweşiyên şekir û dil jî bi min hene. Derfeta min tune ye ku biçim nexweşxaneyên taybet an jî rûpîvanên dirêj bibirim da ku tedawî bibim."

Nexweşxaneya El-Wetenî rastî wêrankirinê bi sedema şerê ku li bajêr bûye ku berîka dawî ya çeteyan li bajêr bû, hat. Ji girîngtirîn beş jî beşa gurçikê ya ku 4 salên derveyî xizmetê ye.

(fr)

ANHA