Salvegera vekirina Akademiya Firatê hate pîrozkirin

Şahî ji aliyê Komîteya Perwerde û Fêrkirinê ya Meclisa Sivîl a Reqayê ve li avahiya Komîmteya Perwerde û Fêrkirinê ya Meclisa Sivîl a Reqayê ya li taxa Mişlebê hate lidarxistin. Endamên meclisa sivîl, Meclisa Ciwanên Reqayê, Rêveberiya Jin û bi dehan mamosteyên herêma Reqayê beşdarî şahiyê bûn.

Di şahiyê de gelek axaftin hatin kirin. Bi navê Akademiya Firatê Casim El-Elî got: "Mamoste bingeha avakirina prosesa perwerde û fêrkirinê ne, nemaze ku di salên şer û belavbûna fikrê tarî li herêmê de. Lew ra ev akademî hate vekirin da ku bibe bingeha pêşxistina mamosteyan li ser bingehê belavbûna fikrê durist."

Bi navê Desteya Perwerde û Fêrkirinê ya Bakur û Rojhilatê Sûriêy Receb El-Muşrif jî axivî û got: "Dema em şagirtan pêş dixin civak pêş dikeve, felsefeya me felseya demokratîk e, bi vê akademiyê em ê fikrê tarî ji holê rakin."

Endama Rêveberiya Jin Zuleyxa Ebdî jî ji aliyê xwe ve bang li jinan kir ku beşdarî dewreyên perwerdeyê bibin û ji rizgarkirina civakê ji hişmendiya teng têkoşînê bikin.

Di şahiyê de, bi navê Meclisa Ciwanên Reqayê Îbrahîm El-Îsa axivî û got ciwanên herêmê bi hemû enerjiya xwe dixebitin da ku Sûriyeke demokratîk, pirreng û ne navendî were avakirin.

Piştî axaftinan helbest hatin xwendin û li ber stranan govend hatin gerandin.

Hêjaye bi bîrxistin, akademî di 11‘ê Nîsana 2019‘an hat vekirin, ji wê demê ve bi tevlêbûna 400 mamosteyan 7 dewreyên perwerdeyê qedandine.

ANHA