Bi boneya 4`ê Nîsanê li Hesekê pêşengeha wêneyên Ocalan hat pêşandan

Îro bi sponseriya Komîteya Çand û Hunerê pêşengeha wêneyên Rêberê Gelê Kurd Abdullah Ocalan li Navenda Xabûr a Çand û Hunerê ya li taxa El-Miftî ya bajarê Hesekê hate lidarxistin.

ÇAND Û HUNER

3 nîsan, 2019 14:45

HESEKÊ

Bi boneya 4`ê Nîsanê Komîteya Çand û Hunerê îro pêşengeha wêneyên Rêberê Gelê Kurd Abdullah Ocalan vekir. Wêne ji hêla hejmarek hunermendan hatine xêzkirin. Tevî wê jî wêneyê jin, xweza û astengiyên ku rastî gelê Sûriyê di dirêjahiya dîrokê de hatine hatin pêşandan.

Gelek berhemên hunerî wek peykera Kawa Hesinkar, parçeyên dîrokî ku temenê wan vedigere bi sedan salan ên gelên herêmê cihê xwe dipêşengehê de girtin.

Her wiha di pêşengehê de sinevizyonek girêdayî têkoşîna Ocalan hate pêşandan.

Endama rêveber a Komîteya Çand û Hunerê ya Kantona Hesekê Efaf Heskî girêdayî armanca pêşengehê ji ajansa me re axivî û got: "Bi boneya rojbûna Rêberê Gelê Kurd Abdullah Ocalan pêşengeh hate vekirin. Rojbûna Ocalan zayîna mirovahî û azadiyê ye. Ji bo gelê Kurd û tevahiya gelên azadî û aştîxwaz rojek pîroz e."

Pêşengeha Hesekê dê heya êvara Çarşemê bidome.

(şx)

ANHA