Şahiya Mezin bi dawî bû

Şahiya Mezin li ser girê Miştenûr ê Kobanê hate lidarxistin. Bi hezaran şêniyên herêmên Bakur û Rojhilatê Sûriyê tev li şahiyê bûn ku bi boneya serkeftina QSD`ê ya li dijî çeteyên DAIŞ`ê hat lidarxistin.

Hevserokên Meclisa Sûriya Demokratîk (MSD), hevserokên Rêveberiya Xweser a Bakur û Rojhilatê Sûriyê, endam û rêveberên TEV-DEM`ê, rêveberên partiyên siyasî, her wiha şêx û rûspiyên êlan beşdarî şahiyê bûn.

Piştî axaftinan, hunremend Sadûn Kobanê, Murad Hemzo, Ehme Cuma, Mustefa Emîr ên ku ji Minbicê beşdarî şahiyê bûbûn, stranên gelêrî gotin û QSD û berxwedana gelê Sûriyê silav kirin.

Ji aliyekî din ve hevserokên Meclisa Rêveber a Bakur û Rojhilatê Sûriyê Bêrîvan Xalid, Ebid Hamid Mehbaş, cîgira Hevserokatiya Meclisa Rêveber a Bakur û Rojhilatê Sûriyê Elîzabêt Gewriyê, hevserokê Meclisa Zagonsaz a Bakur û Rojhilatê Sûriyê Ferîd Etî xelat dan QSD, YPJ, saziya birîndar û gaziyan, Meclisa Malbatên Şehîdan, Hêzên Ewlekariya Hundrîn ji bo xebatên wan di parastina herêmên Bakur û Rojhilatê Sûriyê de li dijî terorîstan.

(bx)

ANHA