Li Dêrikê Şehîd Avrîn Amanos hat oxirkirin

QAMIŞLO

Bi hezaran şêniyên herêma Dêrikê û Girkê Legê ên girêdayî kantona Qamişlo cenazeyê şervana YPJ`ê Avrîn Amanos bi rastnav Eliye Erneb li Goristana Şehîd Xebat Dêrik oxir kirin. Şêniyên navçeya Dêrikê, endamên saziyên sivîl û hêzên leşkerî cenazeyê Şehîd Avrîn Amanos ji Nexweşxaneya Şehîd Hogir wergirtin û ber bi Goristana Şehîd Xebat Dêrik ve ketin rê.

Li goristanê merasîm bi deqeyek rêzgirtinê destpêkir. Torenek leşkerî ji aliyê şervanên YPJ û YPG`ê ve hat lidarxistin. Paşê yek ji fermandarên YPJ`ê Nûcan Xêrkî axivî û got: "Em bejna xwe li ber fedakariya şehîdan ditewînin. Bi saya wan gelê me û mirovahî ji komên terorîst rizgar bûn."

Nûcan Xêrkî gotinên xwe bi sozdayîna şopandina rêya şehîdan bi dawî kir.

Endamê rêveber ê Meclisa Malbatên Şehîdan a Dêrikê Heqî Dêrik axivî û destnîşan kir ku bi saya fedakariyê şehîdan gel ji pergalên zodest û hovantirîn rêxistinên terorê yên li cihanê rizgar bûn.

Piştî bidawîbûna axaftinan bawernameya şehadeta şehîd hate xwendin û radestî malbata şehîd hat kirin.

Her wiha di merasîmê de dayîka Şehîd Cela Erneb axivî û soza şopandina rêya şehîdan da. Cela tekez kir ku ew ê heya rizgarkirina Efrînê asta têkoşînê mezin bikin.

Girseya gel cenazeyê şehîd di nav tillîliyên dayîkan  û dirûşmeyên silavkirina şehîdan de spartin axê.

(şx)

ANHA