Li Japonyayê Newroz hat pîrozkirin

NAVENDA NÛÇEYAN

Komeleya Kurd a Japonyayê bi boneya Cenja Newrozê îro li parka Kîcasî ya girêdayî şaredariya Ûrawa ya elyaleta Sayîtma li herêma Tokyayê mezin şahiyek li dar xistin.

Qada şahiyê bi alên YPG, YPJ û pankartên bi nivîsên Newroza we pîroz be, bi her du zimanên Kurdî û Jaboyayî hate xemlandin.

Derdora 2 hezar Kurdên li Japonyayê û dostên wan tevî endamên şaredarî, mecilsên herêmî û hindek dazgehên çapemeniyê beşdarî şahiyê bûn.

Di şahiyê de sekreterê komeleya Kurd a Japonyayê Weqas Colak, Heyva Sor a Kurd, Komeleya Dost a Kurdistanê-Japonyayê,  komeleya xwendekarên Kurd axivîn. Axaftvanan cejna Newrozê  li tevahiya gelê Kurd pîroz kirin. Her wiha bal kişandin ser siyasetên AKP`ê yên li dijî Bakurê Sûriyê.

Her wiha hevserokê berê yê Partiya Yekîtiya Demokratîk Salih Muslim bi rêya Skypeyê beşdarî şahiyê bû û cejna Newrozê li Kurdên Japonyayê pîroz kir. Salih Muslim îşaret bi rewşa herêmên Bakur û Rojhilatê Sûriyê û serkeftinên QSD`ê yên li dijî DAIŞ`ê kir.

Piştre beşdaran xelekên govendê li ber stranên gelêrî û şoreşgerî yên Kurdî gerandin.

Ev 15 salin ku Kurdên li Japonyayê Cejna Newrozê pîroz dikin.

(şx)

ANHA