Civîna partî û rêxistinên Kurd dest pê kir

QAMIŞLO

Civîn li Hola Zana ya bajarê Qamişlo bi armanca avakirina lêvegereke siyasî ya hevpar tê lidarxistin. Di civînê de 27 partî, rêxistinên siyasî yên Kurd li Rojava, kesayetên serbixwe, gelek rewşenbîrên Kurd ên Rojava amade bûne. Her wiha endamên Desteya Rêveber a komîteya KNK-Rojava Ebdullkerîm Omer û Derya Remedan civînê bi rê ve dibin.

Nûnerên partiyan ev in: Hevseroka Partiya Guhertin a Demokratîk Mizgîn Zêdan, endamê Komîteya KNK-Rojava Ekrem Hiso, hevserokê Partiya Aştî ya Demokratîk a Kurdistanê Telal Mihemed, sekreterê Partiya El-Wefaq Kurdî Fewaz Şengalî, Ebdo Remedan, Silêman Hisên, cîgirê sekreterê Partiya Biratî ya Kurdistanê Ednan Kîlo, Xunav Mele, endamê Buroya Siyasî di Partiya Demokrat a Kurd li Sûriyê Azad Berazî, endamê Desteya Rêveber a Komîteya KNK-Rojava Ezedîn Fatimê, serokê Yekitiya Nivîskarên Kurd li Sûriyê Dilawer Zinkî, endama Desteya Rêveber a Komîteya KNK-Rojava Asya Ebdellah, serokê Partiya Kesk a Kurdistanê Luqman Ehmê, Narîn Mitînî, endama Desteya Rêveber a Komîteya KNK-Rojava Îlham Ehmed, hevserokê TEV-DEM`ê Xerîb Hiso, hevseroka PYD`ê Eyşa Hiso, sekreterê Partiya Hevgirtin a Neteweyî ya Kurdistanê Mihemed Ebas, berdevkê PYD`ê Salih Muslim, sekreterê Partiya Demokratîk Kurd li Sûriyê Nesir El-Dîn Ibrahîm, sekreterê giştî yê Partiya Çepgir a Demokratîk û endamê Desteya Rêveber a Komîteya KNK-Rojava Salih Kedo, Ebdilkerîm Etî, sekreterê Partiya Neteweyî ya Kurdistanê Şefîq Ibrahîm, endamê komîteya rêveberiya Tevgera Rastî ya Kurd li Sûriyê Xelîl Yûsif, sekreterê giştî yê Partiya Çepgir a Kurd li Sûriyê Mihemed Mûsa, sekreterê Partiya Roj Demokratîk a Kurd li Sûriyê Kofan Keno, Dilcan Ibrahîm, endamê Desteya Rêveber a Komîteya KNK-Rojava Sînan Şêx Mihsin, sekreterê Partiya Komunîst a Kurdistanê Necmedîn Omer, sekreterê Partiya Demokratîk a Kurdistanê li Sûriyê Ebdilkerîm Seko û endama Desteya Rêveber a Komîteya KNK-Rojava Taz Baş.

Civînê bi deqeyeke rêzgirtinê dest pê kir, paşê beşdaran xwe û nûnertiya kîjan partiya siyasî dikin da naskirin. Paşê civîn ji dezgehên çapemeniyê re girtî dewam kir.

Tê payîn ku civîn bi gelek biryarên siyasî, yan jî bi daxuyaniyekê ji bo avakirina lêvegereke siyasî hevpar ku nûnertiya gelê Kurd li Rojava bike, bi dawî bibe.

(jo)

ANHA