Saziyên xizmetguzariyê li herêmên rizgarkirî bê navber dixebitin

Saziya kehrebeyê ya girêdayî meclisa sivîl a Dêrazorê di kar û xebata xwe de ji bo gihandina kehrebeyê ji şêniyên gundên rojavayê bajêr re dewam dike.

CIVAK Û JIYAN

9 adar, 2019 10:29

DÊRAZOR

Li Dêrazorê piştî barîna baranê ya zêde, lehî li hin herêman rabûn. Vê yekê jî bandor li kehrebeyê (elektrîk) kir û hemû kabloyên gihandina kehrebeyê qut bûn.

Werşeyên sererastkirinê xeta li ser rêya di navbera El-Cezrê û bajarê Hesekê de bi dirêjiya 7 km sererast kir. Her wiha şebekeyên li Ebo Xeşeb û gundên derdorê, bi dirêjahiya 460 km sererast kir.

Saziyê li gorî amadekarî û plansaziya xwe ku ew ê di 30 rojan de şebekeyên El-Cezre, El-Bohemîd, Mîlac, El-Boşemis û Xeta Xerbî sererast bike.

Hêjayî bibîrxistinê ye ku saziya kehrebeyê ji destpêka avakirina wê ve, zêdetirî 324 bircên kehrebeyê ji nû ve sererast kirin û 150 bircên kehrebeyê li ser rêya Cezrê li gundên Dêrazorê danîn.

Her wiha beşa hawîrdor û parkan a girêdayî Şaredariya Gel 7 hezar û 150 şitil ji gelek cureyên daran peyda kirin da ku di demên pêş de li ser rêyên giştî biçîne.

Beşa Hawîrdor û Parkan a girêdayî Şaredariya Gel a Reqayê şitilgeheke çandiniyê bi rûbera 5 donim amade kir da ku sebzeyan lê biçînin.

ANHA