Şehîdên Bagera Cizîrê li Dêrazorê hatin veşartin

DÊRAZOR

Bi sedan şêniyên bajarokê Bisêra, endamên saziyên sivîl û hêzên leşkerî cenazeyê şervanên Hêzên Erka Xweparastinê, Mustefa Mustefa, Hûsam El-Qelab û Îmad El-Hisên, şervanên QSD‘ê Celal El-Hemed ( Hewaş) û endamê Hêzên Ewlekariya Hundirên Esed Ebdulletîf ku di Pêngava Bagera Cizîrê ya Şerê Tinekirina Terorê de şehîd bibûn, ji ber çerxerêya Etal wergirtin û bi kerwanekî ji dehan wesayîtan ber bi Goristana Şehîd Hanî El-Hesen ve bi rê ketin.

Li goristanê ji bo bîranîna cangoriyên azadiyê deqeyeke rêz hate girtin û ji aliyê Hêzên Erka Xweparastinê ve merasîma leşkerî pêk hat.

Bi navê Hêzên Ewlekariya Hundirên Mûsa El-Hisên axivî, sersaxî ji malbatên şehîdan re xwest û got: "Her em şehîdekî xwe oxir dikin îsrara me ya dewamkirina têkoşînê zêde dibe. Em soz didin şehîdan ku em ê xeta wan bişopînin heta armancên wan pêk bînin."

Rêvebera Şaredariya Gel a Bisêrayê Merewa El-Hisên jî axivî soza parastina destkeftiyên şehîdan da.

Nasnameyên şehîdan ji aliyê rêvebera Saziya Malbatên Şehîdan Sabirîn El-Mihemed ve hate xwendin û radestî malbatên wan hatin kirin.

Hevalên şehîdan, cenazeyê şehîdan di nava dirûşme û tilîliyên dayikan spartin axê.

ANHA