Şêniyên Til Temirê sersaxî da malbata şehîd Egîd Botan

Bi sedan şêniyên navçeya Til Temir û gundewarên wê sersaxî ji malbata şervan Fadî Ebûş (Egîd Botan) re xwest ku di Şerê Tunekirina Terorê de şehîd bûbû.

NÛÇE

14 sibat, 2019 13:47

HESEKÊ

Şêniyên Til Temir û gundewarên wê, şervanên YPG û YPJ’ê û Hêzên Ewlehiya Hundirîn berê xwe da bin konê sersaxiyê yê şervanê YPG’ê şehîd Egîd Botan. Şehîd Egîd Botan di 6’ê Sibatê de di Şerê Tunekirina Terorê de şehîd bûbû.

Konê sersaxiyê li gundê Ebûş ê girêdayî navçeya Til Temirê hate vedan. Kon bi wêneyên şervan Egîd Botan hate xemilandin.

Piştî deqeyeke rêzgirtinê, li kon axaftin hatin kirin. Fermandarê YPG’ê Zayêd El-Kurdî, bi navê Saziya Malbatên El-Xabûr endama saziyê Cemîle Kako, endama Kongreya Star Hedle Yûnis, endama Hêzên Parastina Civakî Adêl Husênî, endamê Hêzên Ewlehiya Hundirîn Mihemed Hesen û bi navê malbata şehîd Muhened El-Cuma axivîn.

Axaftvanan sersaxî ji malbata şehîd re xwest û got ciwanên herêmê ji bo aramî û ewlehiyê, ji bo wekheviya pêkhateyan şêrê terorê kir. Axaftvanan diyar kir ku bidawîbûna dagirkeriya DAIŞ’ê li ser xaka wan, nêzîk e. Her wiha axaftvanan soza şopandina rêya şehîdan da.

Serdana konê sersaxiyê berdewam e.

(fr/bm)

ANHA