Gelê Til Temirê şehîdê xwe Egîd Botan oxir kirin

HESEKÊ

Girseya gel cenazeyê Fadî Ebûş (Egîd Botan) ku 6`ê Sibatê di Qonaxa Şerê Tinekirina Terorê de şehîd bûbû, ji Meclisa Malbatên Şehîdan a Hesekê wergirtin û bi kerwanekî erebeyan berê xwe dan Gorsitana Şehîdan a Til Temir.

Li goristanê jî, bi sedan şêniyên Til Temir û gundên wê cenazeyê şehîd pêşwazî kirin.

Merasîma oxirkirinê li goristanê, bi toraneke leşkerî ji aliyê şervanên YPG û YPJ`ê ve hate destpêkirin. Piştre, Endama Meclisa Malbatên Şehîdan a Til Temir Hîba El-Şelaş û ji fermandarên YPG`ê Serhed Cûdî axivin.

Di axaftinan de, rola şehîdan di rizgarkirina Bakur û Rojhilatê Sûriyê ji terorê hate bibîrxistin,

Her wiha di axaftinan de, hate gotin ku hindk ma şervan hebûna çeteyên DAIŞ`ê li herêmê tune bikin û ev serkeftin jî bi saya şehîdan e.

Di heman demê de, di axaftinan de hate teqezkirin ku hemû pêkhateyên li Bakur û Rojhilatê Sûriyê li dijî terorê û aliyên ku dixwazin istiqrara herêmê têk bibin, yek dest in.

Piştî axaftin bidawî bûn, wesîqeta şehadetê ji aliyê Endama Meclisa Malbatên Şehîdan a Til Temir Diyana Hisên ve hate xwendin û radestî malbata wî hate kirin.

Di dawiya merasîmê de, cenazeyê şehîd Egîd Botan bi dirûşmeyan hate oxirkirin.

(kc)

ANHA