Li Helebê du civîn li ser Komploya Navnetewî hatin lidarxistin

Endamên rêveberiya TEV-DEM`ê yên Helebê destnîşan kirin ku Komploya Navneteweyî ya li ser Rêberê Gelê Kurd Abdullah Ocalan dê bi berxwedana Leyla Guven û rêhevalên wê bi bin bikeve û teqez kirin ku dewleta Tirk a dagirker bi rêya ferzkirina tecrîda li ser Ocalan hewl dide gelê Kurd tine bike.

NÛÇE

9 sibat, 2019 14:15

HELEB

Tevger Civaka Demokratîk (TEV-DEM) a taxa Şêxmeqsud a bajarê Helebê bi nêzikbûna 20’emîn salvegera Komployên Navnetewî ya li ser Rêberê Gelê Kurd Abdullah Ocalan, du civîn lidar xistin.

Di her du civînan de dehan şêniyên taxê yên Kurd û Ereb, endamên saziyên sivîl û komînan amade bûn.

Di civîna yekemîn ku li hola civînan a li aliyê rojavayê taxa Şêxmeqsûd hat lidarxistin, Endama Rêveberiya TEV-DEM`ê Raperîn Heleb axivî û diyar kir ku Komploya Navnetweyî ku di kesayeta Ocalan de hat kirin dê derbasî sala 21`an bibe û da zanîn ku ev komplo hemû gelên azadîxwaz dike armanc.

Raperîn teqez kir ku ji destpêkê ve armanca hikumeta Tirkiyê tinekirina gelê Kurd e.

Paşê sînevziyonek li ser doza gelê Kurd û komploya navnetweyî hate pêşandan.

Derbarê mijarê de, civînek li taxa Eşrefiyê jî hate lidarxistin, di civînê de Endama Rêveberiya TEV-DEM`ê Ronak Til Temir bi zimanê Kurdî û Hevseroka Meclisa TEV-DEM`ê ya Helebê Sûad Hesen jî bi zimanê Erebî axivîn.

Axaftvanan teqez kirin ku siyasteta Erdogan li pêşiya îradeya tekoşer Leyla Guven û hevalên wê bi bin ket.

Her du civîn bi drûşmeyên silavkirina Rêberê Gelê Kurd Abdullah Ocalan bi dawî bûn.

(jo/bm)

ANHA