Şêniyên Tebqayê cenazeyê şehîd Mihemed oxir kirin

Bi sedan şêniyên herêma Tebqa, Cerniyê û Mensûra cenazeyê şervanê QSD`ê Mihemed Tiwêrîş (Hemkê) ku di Şerê Tinekirina Terorê de şehîd bûye, oxir kirin.

9 sibat, 2019 14:00

TEBQA

Şêniyên cenazeyê şehîd Mihemed Tiwêriş (Hemkê) ji nexweşxaneya Wetenî ya Tebqayê wergirtin û bi karawanekî ber bi goristana şehîdan ve ketin rê. Bi sedan şêniyên herêma Tebqa û şervanên QSD`ê tev li merasîmê bûn.

Li goristanê merasîm bi rêzgirtin dest pê kir her wiha şervanên YPJ û QSD`ê toreneke leşkerî lidar xistin.

Paşê ji rêveberên Meclisa Malbatên Şehîdan Emîna Abdullrezaq axivî û îşaret bi têkoşîn û berxwedana şervanên QSD`ê ji bo rizgarkirina gelê herêmê kir û diyar kir ku bi saya têkoşîna şehîdan civakeke exlaqî hatiye avakirin û her kes têde dijî.

Her wiha ji fermandarên QSD`ê Omîd Gabar diyar kir ku şehîd Mihemed ne ji gelê herêmê ye, lê ji bo dozekê berê xwe da herêmê û asta şehadetê bidest xist û bû şopdarên rêya rêhevalên xwe.

Paşê wesîqeta şehadetê ji aliyê yek ji rêveberên Komîteya Karûbarên Malbatên Şehîdan Reşa Mihemed ve hat xwendin û radestî malbata wî hat kirin.

Di dawiyê de cenazeyê şehîd di nava dirûşemeyên dilsoziya bi şehîdan re hate oxirin.

(bx)

ANHA