Şehîdên Şerê Tinekirina Terorê li Dêrazorê hatin veşartin

Bi tevlêbûna bi dehan şêniyên bajaroka Bisêra cenazeyê şervanên Hêzên Erka Xweprastinê Ebduhemîd El-Zahir û Bedrî El-Xabûr û şervanê QSD‘ê Ehmed El-Ûkla yên di 30‘yî Çileyê di Pêngava Bagera Cizîrê de şehîd bibûn, li şehîdgeha Şehîd Hanî El-Hesen hatin veşartin.

5 sibat, 2019 19:07

DÊRAZOR

Welatiyan cenazeyê şehîdan ji deriyê ketina bajaroka Bisêra wergirtin û bi kerwanekî ji wesayîtan ber bi Şehîdgeha Şehîd Hanî El-Hesen ve ketin rê.

Li şehîdgehê merasîmek ku bi bîranîna cangoriyên azadiyê destpê kir, hat lidarxistin.

Ji fermandarên QSD‘ê Salim El-Îbrahîm axivî û got: "Bi navê hêzên leşkerî em sersaxiyê ji malbatên şehîdan re dixwazin û bejna xwe li hemberî şehîdên leheng ditewînin. Şehîd tu carî namirin, şehîdan rêya têkoşînê ji bo me ronî kirine, em ê şopdarên xeta wan bin."

Bi navê Meclisa Malbatên Şehîdan Suha Mihemed jî axivî û anî ziman ku, şehîd mişeleyên azadiyê ye û soza şopandina rêyên wan da.

Rêvebera Meclisa Malbatên Şehîdan Wefa Celal nasnameyên şehîdan xwendin û radestî malbatên wan kir.

Meclisê her wiha nasnameyê 3 şehîdên QSD û Erka Xweparastinê ku di Pêngava Bagera Cizîrê de şehîd bibûn eşkere kirin. Nasnameya şehîdan wiha ye; Zîr Elawî, Xetab Fehed El-Elî û Îbrahîm Şahiz (Umer).

Girse cenazeyê hersê şehîdan di nava dirûşme û tilîliyên dayikan spartin axê.

ANHA