Li Til Hemîsê şehîd Macid Îbrahîm hat oxirkirin

Şêniyên navçeya Til Hemîs a kantona Qamişlo cenazeyê şervanê QSD`ê Macid Îbrahîm ku 31`ê Çileyê di Şerê Tunekirina Terorê de şehîd bûbû, oxir kir.

NÛÇE

3 sibat, 2019 13:05

QAMIŞLO

Şêniyan cenazeyê şehîd Macid Yasîn Îbrahîm (Ocalan Qamişlo) ji Meclisa Malbatên Şehîdan a bajarê Qamişlo wergirt û bi karwanekî ber bi goristana şehîdan a navçeya Ti Hemîsê ve ketin rê.

Li goristanê merasîmê bi rêzgirtinê dest pê kir, her wiha şervanên QSD`ê toreneke leşkerî li dar xist.

Di merasîmê de endamê Meclisa Malbatên Şehîdan Mihemed Xilêwî axivî, sersaxî ji malbata şehîd re xwest û wiha got: "Me bi saya têkoşîna şehîdan azadiya xwe bi dest xist."

Xilêwî destnîşan kir ku berxwedana şervanan bi ser dikeve û demeke kurt maye ku di aliyê leşkerî de çeteyên DAIŞ`ê li Bakur û Rojhilatê Sûriyê ber bi tunekirinê ve diçin.

Paşê wesîqeta şehadetê ji aliyê hevserokê Meclisa Malbatên Şehîdan a navçeya Til Hemîsê Ehmed El-Ebawî ve hate xwendin û radestî malbata wî hate kirin. Di dawiyê de cenazeyê şehîd di nava dirûşmeyan de hate oxirkirin.

(bx)

ANHA