Akademiya Şehîd Xalid Ilêwî dewreyeke nû vekir

Akademiya Şehîd Xalid Ilêwî ya girêdayî Akademiyên Civaka Demokratîk a Bakur û Rojhilatê Sûriyê dewreya 9`an bi navê Dewreya Şehîd Samir Hemade vekir.

NÛÇE

2 sibat, 2019 12:09

TEBQA

Di dewreyê de 31 endamên ji Meclisa Ciwanên Tebqayê, komîteyên Rêveberiya Sivîl û Rêveberiya Giştî ya Gumrika Tebqayê tev lê bûn.

Dewre dê mehekê dewam bike, waneyên bîrdozî, di nav de girîngiya perwerdeyê, neteweya demokratîk, dîroka jinan, dewlet û desthilatdarî, şerê taybet, çand û exlaq û gelek waneyên din dê tê de werin dayîn.

Di merasîma vekirinê de ku bi deqeyeke rêzgirtinê dest pêkir, endamê rêveberiya Akademiyên Civaka Demokratîk a Bakur û Rojhilatê Sûriyê Ferzende Munzur axivî û destnîşan kir ku bi saya QSD`ê ew perwerdeyên xwe didin û bi rêya akademiyan civakan bi pêş dixin.

Li aliyekî din ve jî, endamê rêveberiya Akademiya Şehîd Xalid Ilêwî Fîras Reşo di destpêka axaftina xwe de perwerde li endaman pîroz kir û wiha domand: "Tevlêbûna endaman li perwerdeyê gaveke mezin ber bi avakirina civaka demokratîk ve ye û bi rêya perwerdeyê ew şoreşeke zihnî ava dikin."

Hêjayî gotinê ye ku şervanê QSD`ê Samir El-Hemade ku dewre bi navê wî ye, di 28`ê Sibata 2016`an de li Girê Spî şehîd bûbû.

(jo)

ANHA