Akademiya Tenduristiyê ya Rojava dewreya 43 xwendekaran qedand

QAMIŞLO

Akademiya Tenduristiyê ya Rojava ya herêma Cizîrê dewreya hemşîteriyê ya 43 xwendekarên ji deverên cûda yên Bakur û Rojhilatê Sûriyê bi merasîmekê bi dawî kir.

Merasîm li Hola Rewabî ya rojavayê bajarê Qamişlo hate lidarxistin. Xwendekar û malbatên wan, endam û rêveberên akademiyê beşdarî merasîmê bûn.

Dewreya Perwerdeyê 6 mehan dewam kir. Di meha destpêkê de waneyên li ser rêbazên xîtabetê, azadiya jin û rexne û rexnedayîn hatin dayîn. Di mehên din waneyên teorîk girêdayî şîrovekirina bendê, kîmiya, fîzyolojiya, destwerdana lezgîn û hwd hatin dayîn her wiha li nexweşxaneya jî waneyên piratîkî hatin dîtin.

Di merasîmê de, senevîzyoneke li ser sîstema akademiyê û wêneyên têne dayîn û jinan xwendekaran li wir hate pêşandan.

Paşê jî helbestvan Ferhadê Merdê û koma Serdemê ya girêdayî Erka Xweparastinê helbest û mûzîk pêşkêş kirin.

Berpirsên akademiyê bawernama li xwenedekaran belav kirin. Xwendekaran jî sond xwarin ku ew ê li gorî sîstema akademiyê bixebitin.

Xwendekara bi navê Zerîfe Hemkero li ser perwerdeya akademiyê ji ajansa me re wiha got, "Me 6 mehan pewerde dît, me gelek sûd jê girt. Sîstema li vê akademiyê ji sîstema zanîngeh û peymangeh û akademiyên dîtir cûda ye, ji ber ku xwendekar dikare di her warê tibî bixebie. Gaveke pir baş bû, em ê di demên pêş de xizmeta tenduristiyê pêşkêşê gel xwe bikin."

Xwendekarê bi navê Îbrahîm Silêman jî ji aliyê xwe ve got wan gelek sûd ji perwerdeyê girtin û anî ziman "Tib karekî mirovî ye, ne wesîleya komkirina pere an jî bazirganiyê ye, piştî em li nexweşxaneyan werin belavkirin em ê li gorî sîstema akademiyê kar bikin û xizmetê pêşkêş bikin."

ANHA