Çeteyên girêdayî Tirkiyê li hêzên Rejîmê dan

NAVENDA NÛÇEYAN

Navenda Çavdêriyê ya Mafê Mirovan diyar kir ku komên çete şevê din navendên hêzên rêjîma Sûriyê û çekdarên alîgirên wan li aliyê El-Selûmiyê, Şem El-Hewa yên gundewarn başûr- rojhilatê Idlibê ku dikevin nava herêmên bê çek, bi mûşekan kirin hedef.

Hêzên rêjîma Sûriyê jî herêmên derdora El-Letamne, Etşan û Hesraya yên gundewarn bakur – bakur rojhilatê Hemayê kirin hedef.

Topbarana rêjîma Sûriyê li ser gundê El-Cîsat û Tel El-Sexir ên gundewarên bakurê Hemayê, Cisir Beyt Ras û El-Hiwîz ê Sehil El-Xab ê gundewarê bakur – rojavayê Hamayê ku dikevin nava herêmên bê çek de, topbaran kirin bêyî ku tu agahî derbarê zerarên mirovahî nehatin bidestxistin.

Ajansa SANA`yê ya ser bi Rejîmê got yekîneyên artêşa wan dema ku komên çete yên nêzî balafirgeha El-Zirayî ya li gundê El-Şerîa yê gundewarê bakurê Hemayê hewl didan ku bi awayekî veşartî derbas bin, vala derxistin, kuştî û birîndarên çeteyan çêbûn.

Her wiha diyar kir ku yekîneyek din ji artêşê çalakî li dijî baregehên komên çete yên terorîst li derdora gundê Ebû Reîda El-Şerqiye yê gundewarê bakurê Hemayê pêk anî.

(bx/bm)