Helbestvan Mihemed Menla li Minbicê hat bibîranîn

Şênî rewşenbîrên Minbicê helbestvan Mihemed Menla Xizêl di salvegera sêyemîn a wefata wî de bi bîranîn.

ÇAND Û HUNER

23 ÇILE, 2019 17:17

MINBIC

Komîteya Çand û Hunerê û Yekîtiya Rewşenbîran merasîmê bîranînê yê helbestvan Mihemed Menla Xizêl ê di 5 Çileyê 2016‘an de çû ser dilovaniya xwedê, li salona pirtûkxaneya wî li dar xist. Gelek rewşenbîr û şêniyên Minbicê beşdarî bîranînê bûn.

Merasîmê bi deqeyeke rêzgirtin dest pê kir. Piştre Hevserokê Komîteya Çand û Huner ya Minbicê Mihemed Qibirtayî, Hevserokê Yekîtiya Rewşenbîran Eliya Şahîd û bi navê malbata hebestvan Mihemed Menla pismamê wî Mihemed Derwîş axivîn.

Axaftvanan destnîşan kirin ku Minbic di xeta çandî û wêjeyî de de hertim li pêş e û gelê wê çand û kevneşopiya xwe diparêze û şopedarê xeta wêjevanên nemir wekî Xizêl e.

Her wiha hate gotin ku Minbic yek ji bajrên dîrokî û bi dehan helbestvan jê derketine wekî Ebû Fîras El-Hemdanî, Umer Ebû Rîşe, El-Buhturî û helbestvan Mihemed Menla Xizêl ên jiyana xwe ji bo çand û wêjeyî feda kirin.

Di bîranînê de kurtefîlmeke li ser jiyana Mihemed Menla Xizêl a wêjeyî hate pêşandan.

Di dawiyê de hinek helbestvanan helbest xwendin

(dh)

ANHA