Sersaxî ji malbata şehîd Deham re hat xwestin

Bi sedan şêniyên navçeya Til Hemîsê berê xwe da konê sersaxiyê yê şervanê QSD`ê Mensûr El-Deham û sersaxî ji malbata wî re xwest.

NÛÇE

17 ÇILE, 2019 12:44

QAMIŞLO

Bi sedan şêniyên navçeya Til Hemîsê, endamên saziyên civaka sivîl, şervanên QSD`ê, Hêzên Ewlehiya Hundirîn berê xwe da konê sersaxiyê yê şervanê QSD`ê Mensûr El-Deham û sersaxî ji malbata şehîd re xwest. Konê sersaxiyê li gundê Um Kehîf ê bakurê Til Hemîsê hate vedan.

Di konê sersaxiyê de wêneyên şehîdên navçeya Til Hemîsê, wêneyên şehîd Deham, ên Rêberê Gelê Kurd Abdullah Ocalan û ala QSD`ê hatin daliqandin.

Merasîma sersaxiyê bi rêzgirtinê dest pê kir. Paşê ji rêveberên Komîteya Perwerdeyç ya akademiyên PYD`ê ya herêma Cizîrê Welat Şewqî axivî û wiha got: “Lihevkirinên di navbera gelê herêmê de ne tenê di aliyê axaftinan de ye lê belê ji ber yekitiya xwîn û têkoşînê ye. Divê gelê herêmê berxwedan û têkoşîna şehîdan ku rêya serkeftinê ronî kirin, ji bîr neke.”

Her wiha endamê Meclisa Malbatên Şehîdan Ehmed El-Xelef teqez kir ku ew ê ji bo parastina xaka xwe her tiştê giranbuha bikin qurban û wiha got: "Ji bo azadî, aramî û ewlehiya herêmê şehîd canê xwe feda dikin."

Serdana konê sersaxiyê didome.

(bx/bm)

ANHA