Rûspiyên êlên Ereb dagirkeriya Tirkiyê red kirin

HESEKÊ

Ji  bo şermezarkirina gefên Tirkiyê li ser Bakur û Rojhilatê Sûriyê bi dehan rûspiyên êl û qebîleyên Ereb ên Hesekê û gundewarên wê çalakiyeke protestoyê li çerxerêya Itfaiyê ya bajar li dar xist.

Çalakî bi deqeya rêzgirtin dest pê kir. Bi navê êlên (Cibûr, Bekar, Mimara, Şerabiyê, Hibil, Şemer) û hin qebîleyên din axaftin hatin kirin.

Di axaftinan de bang li hêzên navdewletî hate kirin ku li hemberî dijminahiya Tirkiyê li ser herêmê biskinin û hate gotin " Civaka Sûriyê bi hemû pêkhate, mezheb û netewên xwe yek e. Sûriya welatê me hemûyan e. Gelê herêmê wê nehêle dagirkeriya Tirkiyê fitneyê di navbera pêkhateyan de derxîne, çawa me DAIŞ‘ê têk bir em ê dagirkeriya Tirkiyê jî têk bibin."

Rûspiyan destnîşan kirin ku Bakur û Rojhilat Sûriyê spartgeha koçber û penaberan e û hate gotin "Zêdeyî  kampên mezin hene ku bi hezaran koçber û penaber hembêz kiriye. Pêwîste civaka navdewletî wan ji êrîşên Tirkiyê biparêzin. "

Rûspiyên êl û qebîleyên Ereb destwerdanên Tirkiyê di Sûriyê de red kirin û gotin: " Dagirkeriya Tirkiyê pala xwe dide komên çekdar ku DAIŞ‘ê yek di nav de ye. Tirkiyê û DAIŞ‘ê yek in, rastiya faşîzmaya Tirkiyê ev e ku kuştin, wêrankirin û koçberkirinê dike."

Rûspiyan her wiha gotin, "Bila tevahî cîhan îû civaka navdewletî nas bike ku em wekî rûspiyên bajarê Hesekê destwerdan û gefên Tirkiyê li ser xaka xwe şermezar dikin. Em hemû Sûrî ne, civakeke in û parçebûna qebûl nakin."

Di dawiya çalakiya şermezarkirinê Meclîsa Niştimanî ya Rûspiyên Ereb daxuyanî dan.

Daxuyanî ji aliyê rûspiyê êla Cibûr Cûma Hesen ve hate xwnedin.

Cuma El-Hesen got: "Em bang li hêzên cîhanî dikin bila li rex me li dijî zulimkaran bisekinin, wê dawiya her zalimekî were. Ev der welatê me ye, em ê li vir bijîn û li vir bimirin. Em bi hêza xwe bawer in. Amerîka biçe an jî bimîne em li vir û li hemberî hemû komployan em ê li ber xwe bidin."

(dh)

ANHA