Çalakiya mertala zindî ya Kobanê di roja 24‘an de ye

KOBANÊ

Çalakiya mertala zindî ya şêniyên Kobanê li dijî gefên dewleta Tirk li ser Bakur û Rojhilatê Firatê di roja 24‘an de berdewam e.

Rojane bi sedan şênî di nav de endamên saziyên sivîl ên bajêr beşdarî çalakiyê dibin.

Îro jî nûnerên jî Kongreya Star a Kantona Kobanê û Tevgera Civaka demokratîk (TEV –DEM) herikîn bin kon û çalakî dewr girtin.

Di bin konê de ji endamê Meclisa TEV- DEM'ê Ebuldrehman Dime axivî û wiha got: "Çalakiyên mîna vê yek pêwîst e, da ku li hemberî gef û êrîşan parastina xwe bikin. Çalakiyên me teqez wê bighêjin armanca xwe. Bi vê çalakiyê xwe em ji gefên dagirkeran re bibin bersiv. Çalakiya me berdewam e ta gefên Erdogan li ser me rabin."

Her wiha li ser navê TEV –DEM‘ê Eyşa Efendî bal kişand li ser berxwedana jin û wiha  got:" Jina Kurd li kuderê bû berxwedanî dikir, her tim kar û xebat li ser pişta jinan bû, lê pêwîste hîn zêdetir xwe bigihênin fikir û felsefeya Rêber Apo yê ku hişt jin azad bibe û li mafê xwe xwedî derkeve. Bi têkoşîna jin û keda şehîdan em gihiştine vê astê û serkeftinên mezin bi dest xisitne. Li ser vî esasî em bi bawer in ku em ê li hemberî dijmin bi ser bikevin."

Eyşa Efendî di dawiya axaftina xwe de bang li hemû jinan kir ku xwedî li mafê xwe derkevin û her tim berxwe bidin.

Çalakiya roja 24‘an bi dirûşmeyan bi dawî bû.

(sn/hh)

ANHA