Cenazeyê şehîd Nadir bi merasîmeke girseyî hate veşartin

Şêniyên Helebê cenazeyê şervanê YPG‘ê Mihemed Nadir (Ebû Ebdo) ku di encama krîza dil de şehîd bibû bi merasîmekê spartin axê.

NÛÇE

8 ÇILE, 2019 19:18

HELEB

Bi sedan şêniyên Helebê cenazeyê şervanê YPG‘ê Mihemed Nadir (Ebû Ebdo) yê ku di encama krîza dil de şehîd bibû ji nexweşxaneya Şehîd Xalid Fecir wergirtin û bi kerwanekî ber bi goristana gundê Pino ya taxa Şiqêf ve oxir kirin.

Li goristanê ji bo bîranîna cangoriyên azadiyê deqeya rêz hate girtin û ji aliyê şervanên YPG/YPJ’ê ve merasîmeke leşkerî hate lidarxistin.

Piştre axaftin ji aliyê Rêveberê Meclisa Malbatên Şehîdan Nîdal Hec Hesen û fermandarê YPG‘ê Zagros Efrînê ve hatin kirin. Di axaftinan sersaxî ji malbata şehîd re hate xwestin û hate gotin: "Şehîdan ji bo jiyaneke azad û bi rûmet û avakirina Sûriyeke demokratîk û azadî canê xwe feda kirin."

Di axaftinan de gotina Rêberê Gelê Kurd Abdullah Ocalan a der barê şehîdan de ku dibêje "Jiyana azad berhema vîna şehîdan e"hate bi bîrxistin û soza şopandina rêya şehîdan hate dûbarekirin.

Endama Meclîsa Malbatên Şehîdan Zelûx Hemo nasnameya şehîd xwend û radestî malbatê kir.

Di dawiya merasîmê de cenazeyê şehîd di nava dirûşmeyan de li goristana gundê Pino hate definkirin.

ANHA