Sofî: Tirkiye, ji bo çavbirçîbûna xwe Islamê  bi kar tîne

KOBANÊ

Tirkiyê ji destpêkê heya niha ola Islamê  ji bo çavbirçîbûna xwe bi kar tîne û di bin navê Islamê  de gelek komkujî bi serê Ermen, Suryan û Kurd pêk aniye. Tirkiyê ji bo pêk anîna armancên xwe rêbazên hovane û nemirovane bi destê komên Islamî yên radikal bi kar anî. Bûyerên ku niha li Rojhilata Navîn pêk tên ispata vê yekê ne.

Girêdayî mijarê Endamê Komîteya Kar û Barên Olî yê Kobanê Ezdîn Sofî got: "Di pîvana ola Islamê  de, rêjîma Tirkiyê pergalek zalim û terorîst e. Di ola Islamê  de mafên cîran hene, lê tişta ku Tirkiye ser Efrîn û herêmên din dike berovajiyê nirxên ola Islamê  ne.”

Sofî di berdewamiya axaftina xwe de destnîşan kir ku hemû ayetên Quran a pîroz banga merhemetê dikin û wiha dewam kir:“Komkujiyên Tirkiyê yên ser gelê Kurd û Ermen, ispat dike ku dewleta Tirk ji bo çavbirçîbûn û armancên xwe bi li dijî banga Quranê kar dike.”

Sofî, piştgiriya Tirkiyê ya ji bo komên çeteyên weke DAIŞ’ê nirxand û gotinên xwe wiha berdewam kir: “DAIŞ’ê dema ku şêniyên Kobanê di xew de bûn serjêkirin. Ew di deriyê Tirkiyê re hatin.”

Her wiha Sofî piştgirya nerazîbûnên li dijî kiryarên Tirkiyê kir û wiha pê de çû: “Sultanên Tirk ji bo avakirina serfiraziya xwe kuştin, wêran kirin pêk tînin û berhemên herêmê talan kirinê. Ataturk jî ser şopa kal û bavên xwe meşiya û gelê Ermen bi hinceta ku “kafir” in qir kir. Niha jî Erdogan vê siyaseta qirêj li ser gelên herêmê berdewam dike."

Sofî bi van gotinan dawî li axaftina xwe anî:"Ji erka me ye ku em van rastiyan ji şêniyan re şîrove bikin. Derewkariya Tirkiyê di danûstandina wê de bi aloziya Sûriyê re bi taybet Bakur û Rojhilatê Sûriyê divê em destnîşan bikin. Tirkiye ewlehî û aramiya herêmê ku Rêveberiya Xweser avakiriye dike hedef."

(şx)

ANHA