Şehîdên Pêngava Bagera Cizîrê bi merasîmekî bi heybet hatin oxirkirin

DÊRAZOR

Îro şêniyên El-Besîra, şervanên QSD û Hêzên Erka Xweparastinê cenazeyê şervanên QSD û Hêzên Erka Xweparstinê Mihemed Ewad El-Ehmed, Mihemed Ebûd El-Ehmed, Nîdal El-Heyawî, Îsam El-Hefel, Ehmed El-Elî El-Ehmed, Emîn El-Xelîf, Mihemed Ebdulhey El-Abdullah, Ebdulmecîd El-Tirkî, Salih Ismaîl El-Salih, Eşawî El-Eşawî, Dawûd Ebdulmecîd ( Deno Ebû Herdûb), Yûsif El-Nasîf (Baran) ên ku di Şerê Tinekirina Trorê de li bajarokê Hecînê di demên cuda de şehîd bûbûn bi maresîmekê li goristana Şehîd Hanî El-Hesen spartin axê.

Merasîm bi deqeya rêzgirtinê û tûrana leşkerî ji aliyê şervanên Hêzên Erka Xweparstinê ve dest pê kir.

Ji fermendarên QSD'ê Bahoz axivî û destnîşan kir ku terora DAIŞ'ê êdî tune bû, cîhan dibîne ku DAIŞ'ê li ser destê QSD'ê tune dibe.

Bahoz teqez kir ku ew ê gelên herêmê yên ku bi lehengî piştgiriya QSD'ê re kirine û ji bo jiyana azad û bi rûmet berdêlên buha dane, dê biparêzin.

Bi navê Meclisa Malbatên Şehîdan Sabrîn Mihemed axivî û anî ziman ku li şûna her dilopek xwîna şehîdan dara azadiyê şîn dibe û soza şopandina rêya şehîdan da.

Paşê endama Meclisa Malbatên Şehîdan Wefaa El-Celel nasnameya şehîdan xwendin û radestî malbatên wan kir. Meclisa Malbatên Şehîdan şehadeta Welîd El-Xelef, Ehmed El-Elî, Ehmed El-Mistefa, Ebdulkerîm El-Mihêmîd, Xalid El-Semîk, Yasêr El-Layz û Mihemed El-Elî yên ku dema li ser erkên xwe bû li gundewarê Dêrazorê şehîd bûbûn  ragihand û nasnemaya şehîdên hatihatin ragihandin.

Girseya gel cenazeyên şehîdan di nav berzkirina dirûşmeyan de û tilîliyên dayîkan li goristana Şehîda Hacîn El-Hsen veşartin.

(şx)

ANHA