Merasîma sersaxiya şehîd Mehmûd li Kobanê pêk hat

Gelê Kobanê sersaxî ji malbata şehîd Mehmûd Helinc ê şervanê YPG`ê re xwest ku di Şerê Tinekirina Terorê de şehîd bûbû.

NÛÇE

5 ÇILE, 2019 11:36

KOBANÊ

Bi sedan welatiyên Kobanê sersaxî ji malbata şehîdê YPG`ê Mehmûd Resul (Mehmûd Helinc) xwestin.

Di merasîma bîranînê de welatiyên Kobanê alên Meclisa Malbatên Şehîdan, yên TEV-DEM’ê û wêneyên Rêberê Gelê Kurd Abdullah Ocalan hildan.

Merasîma sersaxiyê bi deqeyeke rêzgirtinê dest pê kir û paşê hevserokê Meclisa Malbatên Şehîdan Arif Balî diyar kir ku gundê Helincê gundê şehîdan e û wiha got: “Em îro bi saya xwîna şehîdan li vir civiyane. Em çendî bibêjin jî em nikarin wateya keda şehîdan bibêjin. Em ê wek gelên vî welatî doza van şehîdan bişopînin. Em ê li ser vê axê bi rûmet bijîn. Her welatek dema ku azadiya xwe dixwaze, divê bedelekê bide.”

Her wiha bi navê malbata şehîd Mehmûd Helinc, Feyad Şehîn axivî û got:“Rast e, şehadeta şehîd Mehmûd ne hêsan bû, lê em li hember wê pir serbilind in. Şehîd Mehmûd ne şehîdê yekem û ne yê dawiyê ye. Îro dijmin dixwaze me têk bibe.”

Merasîma sersaxiyê bi dirûşmeyên “Şehîd namirin” bi dawî bû.

(şm-hk)

ANHA