Çadir li koçberên kampa Eyn Îsa hatin belavkirin

Rêveberiya kampa Eyn Îsa bi hevkariya Komseriya Kar û Barên Koçberan hezar û 600 çadirên ku avê derbas nakin, li koçberan belav kirin.

CIVAK Û JIYAN

31 kanûn, 2018 13:09

GIRÊ SPÎ

Rêveberiya kampa Eyn Îsa tevî derfetên kêm alîkariya koçberan dike. Îro jî rêveberiyê hezar û 600 çadirên ku avê derbas nakin, li koçberan belav kirin.

Rêveberiyê, çadirên derveyî kampê bi tevahî guherîn, hezar û 300 çadir ên derveyî kampê û 300 çadir jî yên di hundirê kampê de guherandin.

Di vê çarçoveyê de koçberên bi navên Salim El-Xelef û Beşar El-Elî spasiya rêveberiya kampa Eyn Îsa kir û destnîşan kir ku çadirên wan hemû riziyabûn û ji ber barana zêde gelek zehmetî dîtin.

Ji rêveberên kampa Eyn Îsa Celal El-Eyaf jî destnîşan kir ku rêveberiyê betanî û çakêt li her kesê ku temenê wan zêdetirî 14 salan be, belav kir û her wiha cilên zivistanê jî li zarokan belav kirin.

Hêjayî bibîrxistinê ye ku di kampa Eyn Îsa ya girêdayî Meclisa Sivîl a Reqayê de nêzî 13 hezar koçberên ji Reqa û Dêrazorê, her wiha penaberên ji Iraqê jî dijîn.

(bx)

ANHA