Welatiyên Kobanê canezeyê şehîd Ednan oxir kir

Welatiyên bajarê Kobanê bi merasîmekê cenazeyê şehîd Ednan (Ednan Ebdî) ku di qonaxa dawîn a pêngava Bagera Cizîrê de şehîd bûbû, oxir kir.

NÛÇE

30 kanûn, 2018 13:33

KOBANÊ

Bi dehan welatiyên bajarê Kobanê cenazeyê şehîd Ednan (Ednan Ebdî) ku di qonaxa dawîn a pêngava Bagera Cizîrê de şehîd bûbû, îro bi merasîmekê li Goristana Şehîd Dîcle oxir kir. Her wiha nasnameya şehîd Qehreman (Ehmed EI-Elî) jî hate eşkerekirin.

Di merasîma oxirkirinê de cîgirê Desteya Erka Xweparastinê Nebo Temo û li ser navê Partiya Yekitiya Demokratîk (PYD) Salih Nuh axivîn û sersaxî ji malbatên şehîdan re xwestç Axaftvanan diyar kir ku divê xwedî li şehîdan derkevin, li dijî êrîşên dewleta Tirk li ber xwe bidin û tu carî gavekê paşde naavêjin û nahêlin axa wan dagir bikin. Her wiha hate destnîşan kirin ku dewleta Tirk û hevalbendên wê naxwazin ew di welatê xwe de bijîn, lê dê bi têkoşîna van şehîdan dagirkeriyê bişikînin û rêya şehîdan her tim bişopînin.”

Di dawiyê de ji aliyê Saziya Malbata Şehîdan ve nasnameya şehîd hate xwendin û radestî malbatê hate kirin.

cenazeyê şehîd di nava dirûşmeyan de hate oxirkirin.

(şm-hk)

ANHA