YPJ’ê dewreyek ji pêkhateyên Ereb bi dawî kir

HESEKÊ

Li herêma Şedadê ya Kantona Hesekê bi dehan şervanên Ereb piştî perwerdeyê tevlî şervanên Yekîneyên Parastina Jin (YPJ) bûn. Dewreya ku têde dersên bîrdozî û leşkeri hat dayîn, 40 rojî berdewam kir.

Merasîma girtina dewrê bi deqeyeke rêzdariyê destpêkir. Piştî wê fermandara YPJ Leyla Waşokanî girtina dewreyê li şervanan pîroz kir û wiha got:“Em bi dawîkirina vê dewreya perwerdeyê li hemû jinan û li gelê xwe pîroz dikin. Di nava vê pêvajoya awarte de bi dawî kirina perwerdê serkeftinek mezin e û em bawerin ku her şervanek li cihê biçê de wê bi erk û berpirsyariyên demê rabe”.

‘Em li ser çanda berxwedanê mezin bûn’

Her wiha fermandar Leyla Waşokanî bi van gotinan bal kişande ser gevên dagirkeriya Tirk: “Em wek Yekîneyên Parastina Jin, herdem amade ne ku gelê xwe biparêzin û em ê destûr nedin ku dijminê me bi rihetî bikeve xaka me. Em wekî jin û gelê Rojhilata Navîn li ser çanda berxwedaniyê mezin bûn û em ê vê çanda xwe heya serkeftinê bidomîn in”.

Piştî şervanan soz dan ku ew ê welatê xwe û xaka xwe heya serkeftinek mayînde biparêzin, merasîma leşkerî bi dirûşmeya; “Jin Jiyan Azadî” bi dawî bû.

‘Em ê li ser şopa heqîqêtê li berxwe bidin’

Şervanên ku dewreya xwe ya perwerdehiyê bi dawî kirin anîn ziman ku ew ê bi rengek herî aktîf tevlî nava refên YPJ’ê bibin û ew ê li ser şopa heqîqetê li berxwe bidin

ANHA