Bi sedan welatiyên Til Hemîs ketin greva birçîbûnê

QAMIŞLO

Bi diruşmeya "Ji Osmaniya nû re na" û ji bo piştgiriya çalakiya Leyla Guven a bi armanca şermezarkirina tecrîda li ser Rêberê Gelê Kurd Abdullah Ocalan Kongreya Star a navçeya Til Hemîsê li kolana giştî nêzî çerxeriya şehîdan konê greva birçîbûnê vegirt.

Konê bi pankartên bi nivîsên "Ji Osmaniya nû re na", " Bijî yekitiya gelê Sûriyê", "Ji Erdoganê teror re na", ala QSD, Kongreya Star û PYD‘ hatine xemilandin.

Bi sedan şêniyên navçeya Til Hemîs berê xwe da konê çalakiyê. Çalakgeran diruşemeyên weke "Ji Osmaniya nû re û na" û "Ji Erdoganê teror re na" berzkirin.

Endamê Partiya Yekitiya Demokratîk(PYD) yê navçeya Til Hemîs Heyal El-Xuwêr axivî û wiha anî ziman :" Her kes dizane ku hikumeta Tirkiryê ev du sal in tecrîdeke girankirî li dijî Rêberê Abdullah Ocalan ferz kiriye. Malbat û parêzeran gelek caran serlêdan kirin da ku hevdîtinê bi Ocalan re bikin û rewşa wî nas bikin, lê daxwaza têne redkirin. Heya niha em tu agahiyan li ser rêbertî nizanin."

El-Xuwêr bal kişand li ser çalakiya Leyla Guven û got: "Hevala me Leyla Guven zêdeyî 40 rojî di grave birçîbûnê de ye, Em wekî şêniyên Til Hemîsê ji bo peştevaniya daxwazên Leyla Guven û şermezarkirina tecrîda girankirî li dijî Rêber Ocalan ketin greva birçîbûnê."

Di berbarê gefên Erdogan de El-Xuwêr anî ziman ku, armanc jê têkbirina biratiya gelan û jiyana hevbeş di navbera pêkhateyan de ye.

Tê payîn ku çalakî du rojan berdewam bike.

ANHA