Rêveberiya dibistanên Dêrazorê lihev civiyan

Rêveberiya dibistanên gundewarên rojhilat û rojavayî Dêrazorê ji Komîteya Perwerdê ya girêdayî Meclîsa Sivîl a Dêrezorê re hin pêşniyar ji bo pêşketina xwendinê û rewşa ximetguzariyê ya dibistanan pêşkêş kirin.

NÛÇE

11 kanûn, 2018 11:00

DÊRAZOR

Komîteya Perwerdê ya Dêrezorê civîn ji hemû navendên perwerdeyê yên gundewarên rojhilat û rojavayê Dêrazorê re li dar xist.

Di civînê de hevserokên Komîteya Perwerdê û Fêrkirinê Kemal Mûsa û Hîbe Yasîn, hevserokên herêma Kîsra, Cezrat, Bisêra, Sûr, Şiêtat û rêveberiyên dibisatnên rojava û yên rojhilat amade bûn.

Civîn bi nîqaş, pişniyar û xwestekên hevserokên navendan ên li ser rewşa xwendin û ximetguzariya dibistanan dest pê kir.

Xalên civînê nîqaş li ser hatine kirin wiha ne: dagirtina şûna mamosteyên ku destûra dayîktiyê werdigirin, peydakirina nobedaran ji bo parastina dibistanan, sererastkirina dibistanên Dêrazorê, peydakirina pirtûkan, sobe û mazotê.

Komîteya Perwerdê hemû pişniyar û pêwîstiyên di derbarê dibistanan de nivîsadin û li gor derfetên heyî pêdiviyên dibistanan pêk bîbin.

Hevserokên Komîteya Perwerdê ji bo hemû navendan agahdariyên pêkanîna rêziknameyê ji bo bilindkirina asta xwendinê û ji bo xweperwerdekirinê dan.

(ekîb)

ANHA