Cenazeyê şehîd Sultan li Tebqayê hate veşartin

TEBQA

Girseya cenazeyê şehîd ji nexweşxaneya Wetanî ya Tebqayê wergirtin û bi kerwanekî wesayîtan ber bi goristana şehîdan ketin rê.

Kerwanê cenaze li goristanê ji aliyê bi sedan şêniyên bajarê Tebqa, El-Cirniyê, El-Mensûra, dehan endamên hêzên leşkerî û ewlekariyê ve hat pêşwazîkirin.

Li goristanê ji bo bîranîna şehîdan deqeyek rêz û merasîmeke leşkerî ji aliyê QSD‘ê ve dest pê kir.

Di merasîmê de gelek axaftin hatin kirin. Ji fermendarên QSD'ê Omîd Gabar axivî û got: "Hemû komployên li dijî gelê me berdewam in. Di demên dawîn de lihevkirinên di navbera Rûsya û Tirkiyê li ser mijara Idlibê hatin kirin, xwestin bi vê yekê çeteyan biparêzin û şer ber bi herêmên Bakur û Rojhilatê Sûriyê ve bibin. "

Gabar di berdewama axaftina xwe de got: "Em xwediyên vê erdê ne û em xwedî projeyek mirovî ne û em dest jê bernadin. Eger êrîşî me bikin em ê bi deh gavan êrîşî wan bikin û em dest ji bostek xaka xwe ya pîroz ku bi xwîna şehîdan hatiye avdan bernadin."

Ji aliyê xwe ve endama rêveber a Meclisa Malbatên Şehîdan Emîne Ebdulrezaq axivî û got: "Şehîd ew xwediyên giyanên pak in û xwîna wan pîroz e. Ew in xwediyên peyama azadiyê û biratiya gelan e.".

Her wiha hevseroka Komîteya Têkiliyên Giştî ya Rêveberiya Sivîl a Demokratîk a herêma Tebqayê Asya El-Xerbî axivî û ev tişt anî ziman: "Bi têkoşîna şehîdên xwe em ê rêya berxwedanê ji bo avakirina civakek demokratîk û azad bidomînin. Şehîdên me bi fikrê demokratîk û azad bawer kirin û çek rakirin û li hember hemû şêwazên zulmê serî hildan û canê xwe feda kirin."

Piştre wesîqeya şehdatê hate xwendin û radestî malbata şehîd hate kirin.

Di dawiya merasîmê de gerseya gel cenazeya şehîd di nav dirûşmeyên dilsoziya bi şehîdan re veşartin.

(şx)

ANHA