Salvegera damezrandina PKK‘ê li Amûdê hate pîrozkirin

QAMIŞLO

Pîrozbahiya salvegera 40‘î ya damezrandina PKK‘ê ji aliyê Meclia Malbatên Şehîdan a navçeya Amûdê ve li Hola Beylesan a navçeyê hate lidarxistin.

Bi sedan şêniyên navçeyê, Serokê Meclisa Rêveber a Herêma Cizîrê Ebdulkerîm Sarûxan, Hevseroka Partiya Yekitya Demokratîk Eyşe Hiso, Şêwirmendê Hêzên Sûriyeya Demokratîk (QSD) Rêzan Gulo beşdarî pîrozahiyê bûn.

Cihê şahiyê bi alên PKK û posterên Rêberê Gelê Kurd Abdullah Ocalan hatibû xemilandin.

Şahî bi bîranîna şehîdên têkoşîna azadiyê dest pê kir. Paşê belgefîlmeke li ser dîroka damezrandina PKK‘ê û têkoşîna kadroyên wê hate pêşandan.

Hevseroka Meclisa Malbatên Şehîdan a Herêma Cizîrê Welîda Botî di şahiyê de axivî û salvegera damezrandina PKK‘ê li malbatên şehîdan, Rêberê Gelê Kurd Abdullah Ocalan û tevahî gelê Kurdistanê pîroz kir û got: "PKK 27‘ê Mijdara 1978‘an de bi komeke biçûk ku Ocalan serkêşiya wê dikir û bi derfetên kêm ava bû. Îro bi saya berxwedana şehîdan bi mîlyoonan Kurd û gelên  cîhan piştgiriyê didin vê partiyê, ji ber ku PKK ji bo parastina nirxên mirovahiyê û azadiya gelên bindest tê dikoşe.

Pişt axafina Welîda Bûtî Koma Serdem a Hêzên Erka Xweparastinê ya stranan, Koma Şehîd Bêrîtan a Zarokan, Koma Şehîd Welat û Koma Şehîd Agirî stran û dîlan pêşkêş kirin.

Şahî bi gerandina govendê bi dawî bû.

ANHA