Şehîdên ‘Şerê Tinekirina Terorê‘ li Dêrazorê hatin oxirkirin

DÊRAZOR

Bi sedan şêniyên gundewarên Dêrazorê "Bisêra, Cirzî û Şenan" û gundên derdora wê, bajarokê Hecînê, şervanên QSD‘ê cenazeyê şervanên QSD‘ê Usama Mihemed El-Hesen (Cesûr), Ebdulletîf Etellah (Bahoz) û Mihemed ku 19‘ê Mijdarê di Pêngava Bagera Cizîrê ya ‘Şerê Tinekirin Terorê‘ de li gundê Cirzî şehîd bibûn bi merasîmekê li Goristana Şehdî Hanî El-Hesn a li bajaroka Bisêra oxir kirin.

Merasîm bi bîranîna şehîdên azadiyê û turaneke leşkerî ji aliyê şervanên QSD‘ê ve dest pê kir.

Bi navê Meclisa Sûriyaya Demokratîk Semîn Salih Xelo axivî û wiha got: "Şehîdên me sembola rûmeta me ne, şehîd ji xeyalan rastiya jiyaneke azad û bi rûmet afirandin. Şehîd namirin, şehîd namirin, şehîd namirin."

Bi navê Hêzên Leşkerî yên qada Hecînê fermandar Ezedîn Etellah jî axivî û ev tişt anî ziman: "Me şehîd dan û heya niha jî didin ta ku bighêjin jiyaneke azad. Em soz didin ku em ê xeta şehîdan bişopînin û armancên wan bi cih bînin."

Di berdewama merasîmê de endama Meclisa Malbatên Şehîdan a Dêrazorê Wîsal Hezai sersaxî ji malbatên şehîdan re xwest û got, şehîd barbanga azadiyê ne, keda wan tu carî nayê ji bîrkirin, şehîd ew in ên ku rêya gelan ronî dike.

Di dawiya merasîmê de, nasnameyên hersê şehîdan hatin xwendin û radestî malbatên wan hatin kirin. Her wiha şehadeta şervanên QSD‘ê "Mihemed El-Mihemed, Xalid El-Dewas, Ebdulrezaq El-Hiwêş, Mihemed El-Elî û Sufyan Îbrahîm El-Hiwêş" ku 13‘ê vê mehê li ‘Şerê Tinekirina Terorê‘ de şehîd bûn hate ragihandin û nasnameyên wan radestî malbatên wan hatin kirin.

Şervanên cenazeyên hersê şehîdan hilgirtin û di nava dirûşmeyan de spartin axê.

ANHA