‘Jin bi fikrê Neteweya Demokratîk dê bendên koletiyê bişkînin"

TEBQA

Di civînê de bi dehan jinên herêmên, nûnerên Komîteya Jin a Rêveberiya Sivîl a Demokratîk a herêma Tebqayê û malên jin ên herêma Tebqa û gundewarên wê beşdarî civînê bûn

Endama Meclisa Jinên Sûriyê Cîhan Mihemed rewşa siyasî ku li herêmê rû dide nirxand û anî ziman "Çirûska şoreşa Sûriyê ji bajarê Derayê vêket û li tevahî herêmên Sûriyê belav bû. Di destpêkê de şoreşeke aştiyane bû, paşê ji xeta xwe ya aştiyane derket û welat ber bi şer û wêrankirinê ve ber."

Cîhan Mihemed bal kişand ser rewşa li Bakurê Sûriyê bi pêvajoya şoreşê re û wiha got: "Wekî gelê Bakur û Rojhilatê Sûriyê têgihiştina me ya ji xeteriyên merheleyê hebû ku dê bandoreke neyinî li ser tevna civaka Sûriyê bike, lew re me xeta sêyemîn, xeta netewa demokratîk û jiyana hevbeş hilbijart."

Cîhan di berdewama axaftina xwe de sedem û tundiya li ser jinan destnîşan kir û anî ziman ku şideta li ser jinan sûcek e li dijî tevahî mirovahiyê ye û delîlê hişmendiya paşverû ye û wiha domand: "Em bi hêz û rola jin bawer in. Îro bi fikrê netewa demokratîk jin dê karibe rola xwe ya pêşeng di civakî de pêk bîne û hemû bendên desthilatdarî û koletiyê bişkînin."

ANHA