Li Minbicê ji ber teqîna mayînê endamekî Hêzên Ewlehiya Hundirîn şehîd bû

Ji rêveberên Hêzên Ewlehiya Hundirîn a Minbicê Setûf El-Hemed got, di encama teqîna mayînekê li bajarê Minbicê endamekî wan şehîd bû û yek jî birîndar bû.

20 mijdar, 2018 10:07

MINBIC

Îro saet 90:00`an mayînek ku li kolana 30 a taxa El-Keçlî ya bajarê Minbicê hatibû bicihkirin, teqiya.

Têkildarî mijarê ji rêveberên Hêzên Ewlehiya Hundirîn a bajarê Minbicê Setûf El-Hemed ji ajansa me ANHA`yê re diyar kir ku hêzên agahî girtin ku mayînek li wê kolanê(li kolana 30 a taxa El-Keçlî) hatiye bi cihkirin, hêzên wan yekser berê xwe dan cihê bûyerê û eşkere ku dema ku hêzên wan gihîştin cihê mayînê, mayîn ji dûrve hate teqandin.

El-Hemed destnîşan kir ku di encama teqîna mayînê de yek ji endamên wan şehîd bû û yek jî birîndar bû. Her wiha El-Hemed teqez kir ku ewê heta dawiyê û heta pêkanîna ewlehiyê li herêmê şopdarên rêya şehîdan bin.

Gelek alî hewl didin ku aramî û ewlehiya bajarê Minbicê tevlî hev bikin û di serê dewleta tirk a dagirker û çeteyên wê ku bi hemû şêwazan hewl didin tevlîhviyê di navbera pêkhateyên bajêr de derxînin da ku projeyên xwe yên dagirkeriyê pêk bînin.

(bx)

ANHA