Gelê Tebqayê cangoriyên azadiyê bi bîranîn

TEBQA

Merasîma bîranînê li Navenda Çand û Hunerê ya Tebqayê li dar ket. Hevseroka Meclisa Zagonsaz Rewşen Hemê, hevserokê Meclisa Rêveber Şiyar Mihemed, fermendarên QSD'ê, Meclisa Malbatên Şehîdan û bi dehan endamên saziyên sivîl û leşkerî beşdarî merasîmê bûn.

Piştî deqeya rêzgirtin, malbatên şehîdan li ber wêneyên şehîdên xwe mûm vêxistin.

Di merasîmê de gelek axaftin hatin kirin. Di destpêka axaftinan de hevseroka Meclisa Rêveber a Tebqayê Şiyar Mihemed axivî û got: "Şehîdan me yên leheng berpirsên mezin hildan ser milên me. Divê em layîqî xwîna wan şehîdan bin da ku em bighêjin azadiyê."

Mihemed wiha domand: "Em qebûl nakin ku kesek li xwîna şehîd û destkeftiyên me bazarê bikin."

Ji aliyê xwe ve yek ji fermendarên QSD'ê Hisên El-Ehmed axivî û got: "Şehîd xwîna xwe ji bo ku em ji terorê xilas bibin erzan kirin."

Her wiha birayê şehîd 'El-Zeîm' Xalid El-Zeîm axivî û got: "Şehîdên me navên we di dîrok û dilê me de hatiye kolandin. Xaka vî welatê pîroz şahidê fedekariyên we ye."

Bi navê Partiya Pêşerojê aya Sûriyê şaxê Tebqayê cîgera şaxê Semra El-Hesen axivî û got: "Bi xwîna şehîdên me gul li ser xaka welatê me vebûn û veguherî biharekê hemû aliyên wî dixemlîne. Em soz didin şehîdan em ê şopdarên rêyên wan ji bo azadiyê û rumetê bin."

Merasîm bi pêşkêşkirina belgefîlmek girêdayî kurta jiyana şehîdan bi dawî bû.

Navên 12 şehîdan wiha ye:

Ebdulezîz El-Necim bi nasnav Ebû Suad.

Exîd Selmo bi nasnav Exîd Reqa.

Welîd El-Hemed bi nasnav El-Hût.

Ehmed Elî El-Ehmed bi nasnav Elemiyom.

Ibrahîm El-Ehmed bi nasnav El-Zeîm

Elî Zêdan bi nasnav Zêdan

Ebdulsamad El-Ibrahîm bi nasnav Merendî.

Mehmûd Îsa bi nasnav Mehmûd Reqa.

Savî Caber bi nasnav Safî Reqa

Yûsif El-Ehmed bi nasnav Yûsif Reqa.

Ramadan El-Selama bi nasnav Dilê Şêr(Dilşêr)

Elî El-Ebûd bi nasnav Elî El-Seferanî

(şx)

ANHA