Zewicandina zarokan karesateke civakî ye

MINBIC

Di çarçoveya rêzeçalakiyên bi boneya roja cîhanî ya têkoşîna li dijî tundiya li ser jinan de Yekîtiya Jinên Ciwan bi hevkariya Navenda Lêkolînan a Jinolojî der barê diyardeya zewicandina zarokan de semînerek organîze kir. Semîner li dibistana Zêdan El-Hinêzil a li ser riya Helebê hate lidar xistin. Di semînerê de endamên Yekîtiya Jinên Ciwan, Endamên Navenda Lêkolînan a Jinolojî û bi dehan xwendekarên jin amade bûn.

Di semînerê de Endama Navenda Lêkolînan a Jinolojî Sedîqa Xilo diyar kir ku zewicandina zarokan diyardeyeke paşverûtî ye û weke karîsetekê ye ku bandora xwe ya neyînî li giştî civakê dike. Sedîqa got ku ev diyar de destdirêjiya li dijî ciwanên temen biçûk e û ji perwerde û mafê xwe yê jiyana xwezayî bêpar dimînin.

Sedîqa Xilo di semînerê de behsa bandorên neyînî yên ji ber zewicandina zarokan kir û wiha got: "Zewaca di temenên bi çûk de destavêtina li laşê ciwanan e û ziyaneke derûnî bi jinan dibe."

Di dawiya semînerê de Sedîqa behsa derfetên çareserkirina vê pirsgirêkê kir û got ku divê hişmendiya welatiyan were pêşxistin da ku ziyanên ji ber zewicandina di temenên bi çûk de nas bikin.

ANHA