Çerxerêya Saea tê sererastkirin

Xebatên ji nû ve avakirin Reqayê bê navber didome. Şaredariya Gel dest bi sererastkirina Çerxerêya Saea kir.

CIVAK Û JIYAN

5 mijdar, 2018 18:38

REQA

Çerxerêya Saea yek ji deverên girîng ên bajarê Reqayê ye, ku hemû taxên bajêr dighîne hev din û navgîna hemû kolanên sereke ye wekî (Wadî, Til Ebyed, Qewetlî, Gerac û Qada Parêzgehê".

Di heman demê de Çerxerêya Saea wekî sembolekî şûnwarî tê dîtin, ku di nêvî de peykarê dîrokî yê jin û mêr heye. Peykerê çerxerêyê beriya demekê ji aliyê Komîteya Çand û Hunerê ya Meclisa Sivîl a Reqayê ve hat serestkirin.

Werşeyên sererastkirinê yên Şaredariya Navendî ya bajarê Reqayê îro xebatên sererastkirina Çerxerêya Saea da destpêkirin. Di vê çarçoveyê de mûzaîka kevin a ji ber şer hatiye xirabkirin tê rakirin û li şûna wê ya nû tê dayîn û boyaxkirin.

Berpirsê werçeyê fenî Hisên El-Şewax diyar kir ku ew ê di nava 20 rojan de çerxerêyê sererast bikin.

El-Şewax anî ziman ku dê demjimêra elktronî ya çerxerêyê sereast bikin û got ku şaredarî dê hemû deverên girîn ên bajêr sererast bike.

ANHA