Cenazeyê El-Cemîl bi merasîmeke girseyî hate veşartin

QAMIŞLO

Îro bi sedan şêniyên navçeya Til Hemîs beşdarî merasîma oxirkirina cenazeyê şervanê Hêzên Erka Xweparastinê Ibrahîm Zahid El-Cemîl dema ku beşdarî Pêngava Bagera Cizîrê bû di 29`ê Cotmehê li bajarê Dêrazorê şehîd bû.

Girseya gel cenazeyê şehîd Ibrahîm ji pêşiya Meclisa Malbatên Şehîdan a taxa Enteriyê ya bajarê Qamişlo wergertin û bi karwanekî tirmbêlan ber bi navçeya Til Hemîs ketin rê.

Bi gihaştina goristana şehîd Raxib El-Etiyê re, merasîmê bi deqeyeke rêzgirtinê û toraneke leşkerî ji aliyê şervanên Hêzên Erka Xweparastinê û QSD`ê ve hate lidarxistin, paşê gelek axaftin hatin kirin. Bi navê Hêzên Erka Xweparastinê fermandar Çiya Dêrîk axivî û hemû şehîdên şoreşa Rojava û Bakûrê Sûriyê bibîr anîn û wiha got:"Em bejna xwe li hember şehîdên xwe ditewînin."

Erdogan xwediyê çeteyên DAIŞ û Cebhet El-Nusra ye

Fermandar Çiya Dêrîk wiha got:"Erdogan xwediyê çeteyên DAIŞ û Cebhet El-Nusra ye, gelek caran hewl da jiyana hevbeş a di nava pêkhateyan de têk bibe."

Fermandar Çiya Dêrîk hin taybetmendiyên şehîd Ibrahîm got "Ez kesê herî nêzî wî bûm, karê bi rêk û pêk bi cih di anî. Her tim îsrar dikir ku bi hevalên xwe re cihê xwe di pêngava rizgarkirina Dêrazor bibe."

Bi navê Meclisa Malbatên Şehîdan a navçeya Til Hemîs Mihemed Xilêwî bavê şehîd Xalid Xilêwî wiha got:"Îro malbateke nû beşdarî Meclisa Malbatên Şehîdan dibe, bi saya keda van şehîdan em bi aramî jiyan dikin."

Piştî ku axaftin bi dawî bûn, Hevserokê Meclisa Malbatên Şehîdan a navçeya Til Hemîs Ehmed El-Ebawî nasnameya şehîd Ibrahîm Zahêd El-Cemîl xwend û radestî malbata wî kir.

Cenazeyê şehîd di nava têlîliyên dayîkan hate veşartin.

(jo)

ANHA