Navenda tenduristî ya Şêrawa zêdetirî hezar nexweşî derman kir

Heyva Sor a Kurd li gundên navçeya Şêrawa ya Efrînê navendeke tenduristî beriya niha bi demekê vekir û di mehekê de hezar û 318 nexweş derman kirine.

CIVAK Û JIYAN

30 cotmeh, 2018 07:41

ARIF SILÊMAN – TOLÎN / ŞEHBA

Heyva Sor a Kurd navendeke tenduristiyê li gundên navçeya Şêrawa yên Başmirê, Gundê Mezin, Kalotê, Biric El-Qas, Zirnêt û Miyasê da ku şêniyên wan gundan derman bike. Di navendê de du tîm ji bo dermankirina nexweşan nobetê digirin.

Her tîmek ji 4 kadroyên tenduristiyê yên Heyva Sor a Kurd pêk tên. 24 saetan noqte vekiriye û embulnasek ji bo rakirina nexweşan jî heye.

Bi dehan şênî rojane berê xwe didin navendê. Navendê di mehekê de bi zêdetirî hezar kesên ku bi nexweşiya weke tansiyon, iltîhaba cigerê û zarok derman kirine.

Derbarê mijarê de, Endama Heyva Sor a Kurd Zîlan Mihemed ji ajansa me re axivî.

Zîlan got ji bo dermankirin û parastina nexweşan wan navendeke tendurstiyê vekirin û wiha dewam kir:"Pêwîstiya şêniyên gundan bi navendeke tenduristiyê hebû, ji ber ku nexweşxane dûrî wan in. Em gelek nexweşiyên weke tansiyon, nexweşiyên zarokan û jinan û iltîhaba cigerê, derman dikin."

Zîlan di dawiya axaftina xwe de got di mehekê de navendê hezar û 318 nexweş derman kirine.

(jo)

ANHA