Akademiya Şehîdên Asayîşa Helebê dewreyeke nû bi dawî kir

Akademiya Şehîdên Asayîşa Helebê dewreya sêyemîn a endamên Hêzên Ewlekariya Hundirîn-Jin bi dawî kir.

JIN

17 cotmeh, 2018 11:46

HELEB

Akademiya Şehîdên Helebê, dewreya sêyemîn a bi navê Şehîd Fule ya endamên Hêzên Ewlekariya Hundirîn-Jin bi dawî kir. Dewre 17 rojan dewam kir û 20 endamên jin tevlê perwerdê bûn.

Endaman waneyên birdozî û leşkerî standin.

Merasîma bi dawîkirina perwerdê li AKADEMIYA ŞEHÎDÊN HELEB ku li herêma Şiqêfe hate lidarxistin. Di merasîmê de nûnerên endamên saziyên sivîl, şervanên YPJ û endamên Hêzên Ewlekariya Hundirîn amade bûn.

Merasîm bi deqeyeke rêzgirtinê destpêkir. Paşê, gelek axaftin hatin kirin, di nav de Fermandariya Hêzên Ewlekariya Hundirîn Eylem Çerkes û endama Rêveberiya Hêzên Ewlekariya Hundirîn-Jin Heyfa Qirt Elî axivin û dawîkirina dewreyê pîroz kirin û destnîşan kirin ku bi hêza jinê wê dawî li terorê bê.

Endama Kongra Star Hêvîn Silêman destnîşan kir ku pir girînge perwerde û taybet di merheleya ku herêm têra derbas dibe, pêk werin.

Paşê endamên dewreyê sûnd xwarin. Merasîm bi pêşkêşkirina stranên şoreşgerî ji aliyê koma stranan a Cemîl Horo bi dawî bû.

Hêjayî bi bîrxistinê ye ku şehîd Fula di şerê Berxwedana Serdemê li dijî artêşa Tirk a dagirker şehîd bûbû.

(jo)

ANHA