Welatiyên Kobanê sersaxî ji malbata şehîd Siyamend re xwest

Bi sedan welatiyên bajarê Kobanê sersaxî ji malbata şehîd Mehmûd Cuma (Siyamend Kobanê) re xwest.

NÛÇE

8 cotmeh, 2018 09:55

KOBANÊ

Welatiyan Kobanê sersaxî ji malbata şehîdê YPG`ê Siyamend Kobanê (Mehmûd Cuma) re xwest ku di 28`ê Îlona 2018’an de di şerê pêngava Bagara Cizîrê de gihaşt şehadetê.

Kona sersaxiyê li Taxa Şehîd Kawa ya bajarê Kobanê hate vedan.

Merasîma sersaxiyê bi amedebûna endamên saziyan û hevserokê Meclisa Rêveber a Kantona Kobanê Enwer Mislim hate liderxistin.

Li ser navê Partiya Yekitiya Demokratîk (PYD) Memûd Nûh sersaxî ji malbatê re xwest û wiha got: “Şehîd ew in ku şeref û rûmeta gelê xwe diparêzin û bi saya xwîna wan şehîdan em niha li ser vê axê dijîn û heta dawiyê em ê şopdarên rêya şehîdan bin.”

Her wiha li ser navê malbata şehîd, Mihemed Remedan Cuma xêrhatina mêvanên hazir kir û wiha got: “Şehîd ne tenê şehîdê me ye, şehîdê gelê Kurd e û em ne malbata yekemîn in ku şehîdan didin.”

Konê sersaxiyê heta saetên êvarê dê vekirî be.

(hk)

ANHA