Du pakrewanên Bagera Cizîrê li Serêkaniyê hatin oxirkirin

HESEKÊ

Bi sedan welatiyên herêma Serêkaniyê cenazeyên şervanên QSD`ê Ednan Xile(Mûrad) û Ebid Rehman EL- Esed (Merwan) ên ku di 3‘yê Cotmeha 2018‘an li Dêrezorê şehîd bibûnbi merasîmekê li Goristana Şehîdên Serêkaniyê veşartin.

Gel cenazeyên şehîdan ji Nexweşxaneya Roj a Serêkaniyê wergirt û bi karwanekî berê xwe da goristana şehîdan a Serêkaniyê.

Li goristanê merasîm bi bîranîna cangoriyên azadiyê hate destpêkirin.

Bi navê Meclisa Malbatên Şehîdan a Serêkaniyê Zehra Qido axivî . Zehra wiha got: “Em ji tevahiya gelê xwe re dibêjin ku em bi îradeya xwe ya polat û rihê fedekarî berxwedana xwe ya ya parastina destkeftiyên şehîdan didomînin. Em soz didin şehîdan ku em ê tola wan li erdê nehêlin û xeta wan bişopînin heta armancên wan bi cih bînin.``

Her wiha ji fermandarên YPG`ê Baran Serêkaniyê jî soza şopandina rêya şehîdan û parastina destkeftiyên şoreşê da û got, ji bo jiyaneke azad û bi rûmet berdêlên giran hatin dayîn, li ser vê yekê pêwîst e ev berdêl werin parastin û xwedî li nirxên şehîdan were derketin.

Piştî axaftin bi dawî bûn, wesîqeya şehîdan hatin xwendin û radestî malbata wan hate kirin. Di dawiya merasîmê de,şervanên cenazeyên hevalên  xwe bi dirûşmên ``Şehîd namirin`` veşartin.

(sx)

ANHA